La lengua predominante en el municipio es el náhuatl y prueba de ello la publicamos aquí.
Natapowil atempan kuetaxkuapan
Mo ijtowa kit in wejkauj chanchiwanej atempantsitsin, akonimej walkistoyaj ten totonacas miak taman teopan taneltokayaj wan kin piayaj miak tiotsitsin nochin in chanchiwanej kualtsin yetoyaj. Se tonal kaikej se tatikwin ne ilwiyak. In chanchiwanej mosontiijkej kinekiaj kimatiskej ton panowaya, yajkej kampa tatikwinik, wan ompaya moijtowa kit ixnesik tlaloc, kiujteut akon kin ilij kit akajmej takamej kin chikawak notsaskig maj kawakan nin taneltokalis wan yaliskayot, keyej ijkon monekia maj cholokan wan welis ijkon maj amo kin ajsikan. Ijwakon tenochtitan wetsik nimako in koyomej analtekos, in majsewalmej kinemilijkej choloskej sayojke kemej atempan semi weyi wan patawak in chanchiwanej amo kimatiaj kan yaskej, keyej ijkon ki tajtanikej in teot tlaloc maj kin nextili wan maj in koyo analtecos keman walaskiaj, maj amo kin ajsikan, tlalok kijtoj kit keman in koyomej achkatsin yetoskej, yejua kualtitanis se weyi kiowit, wan ijkon, kin tsawiliskia wanya in chanchiwanej kualtiaskia ki temoskej okseko kanaj kan welis chanchiwaskej. Amo semi wejkawak wan in teot tlaloc niwan quetzalcoatl kualtitanik in kiowit akonimej kixtatapojkej in taltsin wan kichiwjkej miakej weyamej wan ijkon in analtecos amo welapanokej wan amo kin asikej in to majsewalikniwan. In chanchiwanej keman kitakej in kiawit, nimantsin kiwijkej teisa tapalol wan yajkej ki temotoj kan mo kaltaliskej. In koyamej mokepkej nin talpan keman yon panawaya in majsewalmej monemilijke ki chiwaskej se yankwik chanchiwal kixpantiliaya in at wan in kiawit, wan kichiujkej se yankwik xolalpan atenojwan ijkon mopalewiskiaj takan aken kin nekisikiasj kin talkwilis wan ijkon mopalewiskij ikase kuali yolnemilis ikan miak atsin, keyej ijkon in xolalpan mo tokaytia atempan tonika majsewaltajtol nahuatl kijtosneki
at- agua, tenti-orilla, wan Pan sobre a-ten-pan kijtosneki ika koyotajtol, en la orilla orivera del rio.
No hay comentarios:
Publicar un comentario